نكت وبس ولو مضحكتش . . . أكيد هتبتسم :: الجزء الثانى

من طرف حسام المصرى الإثنين يناير 11, 2010 7:24 am

مرة واحد مصرى واتنين اصحابه سعودى وكويتى ماشين فى الغابة فالسعودى قال انا هصتاد ارنبين والكويتى قال وانا هصتاد حمامتين والمصرى قال انا بقى هصتاد نمرين .. فالسعودى اصتاد الارنبين والكويتى اصتاد الحمامتين والمصرى جه يصتاد النمرين معرفش .. فقال ليه كدة بس يارب وسند على شجرة كده فلقى نمر وراه فالمصرى اعد يجرى والنمر يجرى و...راه هو يجرى و النمر يجرى واره لغاية ماعدا على اصحابه فقالهم امسكو ده بسرعه عقبال ماجيب الثانى
----------------------------
بيقولك كان فى مسابقة اللى هيدخل يسرق اى حاجة من شقة الراجل العجوز وميحسش بيه هياخد مليون جنيه المهم الراجل العجوز كان عنده قطة دخل الامريكى يسرق وهو خارج وقع الكرسى فقال العجوز مين? رد عليه وقال نيووووو قال العجوز دى القطة مش مهم راح داخل الفرنسى يسرق وهو خارج وقع الكرسى فقال العجوز مين رد عليه وقال نيوووووو فقال العجو...ز دى القطة مش مهم دخل الصعيدى يسرق وهو خارج وقع الكرسى فقال العجوز مين قاله انا الجُطة
----------------------------
صعيدى سافر امريكا و اشتغل على تاكسى و هو معدى قدام بار واحده لابسه مايو بكينى شاورتله فوقفلها و ركبت و قالتله عايزه اروح الحته كذا المهم قالها حاضر يافندم و طول ماهو سايق عمال يبصلها فى المراية فالست قالتله : اسكيوز مى انا عجبتك ولا انت اول مرة تركب معاك واحده لابسه بكينى ؟ قالها لا ده ولا ده انا بس نفسى اعرف هطلعيلى الاجره منين
----------------------------
مرة واحد مخنوق اوى من الدنيا كلها جرس الباب رن الساعه 10 الصبح فصحى و فتح الباب لقى وحدة مذيعة بتقله ممكن نعرف ياترى بتعمل ايه اول تقوم من النوم ؟ قالها انا بقوم من أم النوم اروح أم الحمام افتح أم الحنفية اغسل أم وشى اروح أم الاوضه اقلع أم الترنج البس ام البنطلون انزل من أم الشقة اركب أم الاتوبيس اروح أم الشغل وبعد ما ...اخلص ام الشغل ارجع أم البيت وخلاص .. قالتله المزيعة: يا فندم يلعن أم البرنامج اللى خلانا نشوف أم وشك
----------------------------
لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ما كانتش بتشجعك وبعدين كلهم بقوا يشجعوك
----------------------------
مره واحد بلدياتنا سافر مصر إتسرقت المحفظه بتاعته بلغ عنها
فقال له الظابط
حاضر حجيبهالك من تحت الأرض طلع بلدياتنا
بره لقى الناس بتحفر لخط المترو
فقالهم الهمه يارجاله هى سوده وفيها سوسته
----------------------------
مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت،
راح الأول قال للثاني: هيه ليه نشرة الأخبار طولت النهاردة كدة؟ رد عليه الثاني و قال:
معلش أصل شكلها كدة النهاردة آخر حلقة.
----------------------------
ثلاثة صقور اتراهنوا على الصيد
راح الاول ورجع ومنقاره عليه دم قالهم شايفين الشجرة اللى هناك دى قالوا ايوة قال اصطدت عندها ارنب
راح التانى و رجع و منقاره عليه دم كتير قالهم شايفين الصخرة اللى هناك دى قالوا ايوة قال انا اصطدت عندها غزال
راح التالت و هو كان اغبى واحد فيهم و رجع و كله دم قالهم شايفين العمود اللى هناك ده قالوا ايوة قال انا بقى مشفتهوش
----------------------------
وحدة قاعدة عند التليفون جاتها اختها قالتلها: مالك مضايقة مين مزعلك؟ قالتلها
واحد قليل الادب زاعجنا كل يوم يتصل والنهاردة معرفش ليه متصلش لحد دلوقتي
----------------------------
مرة واحد غبي فتح غطا إزازة بيبسي وقرا عليها كلمة حاول مره اخرى.. راح قافل اللإزازه وفاتحها تاني
----------------------------
محشش بيسوق عربية ومعاه ابوه ابوه قاله لف يمين قاله لف انت انا سايق
----------------------------
مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة
----------------------------
فار محشش قال : كل القطط تحت جزمتى لقى وراه قط اسود قال الا ابو سمره حبيبى
----------------------------
واحد عصبى ضرسه وجعه راح للدكتور قاله اخلع كل الضروس و خليه زى الكلب لوحده

---------
-------
-----
---