منتــدى روشنــــة عيـــــــال
انت كده علي طول.....!! 4o08qe1g982z8hvir5vk

انضم إلى المنتدى ، فالأمر سريع وسهل

منتــدى روشنــــة عيـــــــال
انت كده علي طول.....!! 4o08qe1g982z8hvir5vk
منتــدى روشنــــة عيـــــــال
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انت كده علي طول.....!!

3 مشترك

اذهب الى الأسفل

انت كده علي طول.....!! Empty انت كده علي طول.....!!

مُساهمة من طرف Tiger الأربعاء ديسمبر 16, 2009 6:54 pm






بدء القطار في التحرك
وبدأنا نتمايل طربا عندما بدأ بدق قدمه على سندان القضبان الحديدية
بدأت الخواطر تتقاذفني يمين ويسار
:ها تطلبها من مين يا ناصح ؟
:أبويا ؟
:هو أبوك بيحبك آه بس مش أكتر من نفسه
و بعدين الضغط و السكر ،ده ممكن يموت فيها
:لا ،لا ، ما فيش غير أخويا عابد
:الواد عابد جدع ما يتأخرش علي في حاجه ،
أنا لسه واقف معاه هو و مراته في خناقتهم مع أمي
:مش عارف الدكتور ليه كان مصمم على رأيه!!

ده قالي بعظمة لسانه ما فيش حد ها يرضى غير أمك
:أمي ؟ ده أنا لسه لعن سلسفيل اللي جابوها
:دي وليه أذية ،
المره تقعد طول النهار تناهد في مراتي وأول ما تشوفني تقعد تولول زي اللي ماتت لها جاموسة
:دي النذالة لو سابتها ما تلاقيش صدر حنين
:نفس اللي عملته مع مرات عابد أخويا من يومين
:دي لو آخر واحدة في الدنيا مش ممكن أطلب منها أبدا طلب زي ده
وبعدين جحا أولى بلحم طوره ،
:ما فيش غير كريمة مراتي،هي ستر وغطا عليه واللي يعكرني يعكرها ،ده أنا لسه كاتب لها فدانين ،يعني عمري ما استخسر فيها حاجه ،وهي كمان الشهادة لله عمرها ما تتأخر علي

توقف القطار ، برغم ذلك لم تتوقف هواجسه ، مين يا ترى اللي أكلمه الأول ؟

:عابد ولا كريمه؟

:كريمه و لا عابد ؟

:اللي يقابلني فيهم الأول آخذه على مشا مه

*********

وجدتني أطرق باب غرفتها على استحياء
فتحت لي الباب ،فوجئت بي مطأطأ الرأس
:تعالى ادخل يا نور عيني
( قفز على رأسها يقبلها )
(أبعدت رأسها عنوة من بين يديه)
استغفر الله ،استغفر الله العظيم ،ليه كده بس ؟عاوز تحملني ذنوب و إلا إيه ؟
:يعني مسمحاني يا أمه ؟
:بص بقى شغل التلات ورقات ده مش عليه
أكيد عاوز حاجة ؟ عاجناك و خابزاك ،
تعال ادخل و إلا لسه بتخاف من مرتك؟ الله الله على رجالة آخر زمن
: الصراحة يا أمه ، من غير لف و دوران ،الدكتور هو اللي قال لي ، والله العظيم هو اللي قال لي، أنا ما ليش دعوة
:قال لك إيه يا روح أمك ؟
:قال لي ما حدش ها يرضى يعطيك كليته غيرك
:كلية إيه يا أهبل؟
:يا أمه أني لسه راجع من عند الدكتور

وقال لي كليتيك خسرانه و لازم تشوف حد يعطيك كلية من كلاويه
عاوزة الحق يا أمه؟ أنا قلت ما حدش ها يدهاني غير مراتي أو الواد عابد
:أمال جايني ليه يا نور عيني ؟
(انهمرت دموعه رغما عنه رغم محاولاته)
:الدكتور قال لي كلمة ما عرفتش معناها غير دلوقتي
:كلمة إيه يا عبيط يا ابن العبيطة؟
:قال لي ما حدش في الدنيا ها يرضى بالموضوع ده غير أمك
( تناولت سبحتها و انهالت بها ضربا على ظهره )
: هو أنت فكرك إيه غير كده ؟ هو أنت فاكر إني أستخسر حتى لو عيني فيك ؟
و هو أنا أطول لما يبقى حتة مني جواك ؟
ده يوم المنى

********

رأيتها تتمدد بجواري في غرفة العمليات
اقترب منها الدكتور ،همست في أذنه
توجست منها خيفة
:يا ترى بتقول إيه للدكتور؟
لتكون غيرت رأيها وعاوزة تخلع ؟
يا دي المصيبة
يا دي الشورى الطين
( ناديت الدكتور)
:و النبي اضحك عليها و قول لها إنكم ها تعملوا شويه تحاليل بس ،
أوعى تخليها تمشي و تسيبنا يا دكتور ،
أبوس أيدك ، ده أنا قعدت أقنع فيها شهرين ،
( صرخ في وجهي )
: لا إله إلا الله ، لا إلــــــــــــه إلا اللـــــــــــــــــــــــــه
عارف بتقول لي إيــــــــــــــه ؟
بتقول لي
: ما ينفعش يا عينيه تعطي له الكليتيـــــــــــــــــن ؟
و لما قلت لها: و الله ما ينفع يا حاجة
قالت لي
: والنبي حبيبك تنقي له السليــــــــــــــــمة
Tiger
Tiger
عضو جديد
عضو جديد

ذكر النمر
عدد المساهمات : 80
نقاط : 126
تاريخ الميلاد : 28/05/1974
تاريخ التسجيل : 17/10/2009
العمر : 49
العمل/الترفيه : صحفى

الرجوع الى أعلى الصفحة اذهب الى الأسفل

انت كده علي طول.....!! Empty رد: انت كده علي طول.....!!

مُساهمة من طرف نونه الخميس ديسمبر 17, 2009 11:46 am

بدون تعليق لان الصمت اقوى من الكلام


انت كده علي طول.....!! 640326 بس والله رائعه ياتيجر تسلم يارب وشكرا
نونه
نونه
مراقب
مراقب

انثى عدد المساهمات : 4611
نقاط : 7758
تاريخ التسجيل : 18/05/2009
العمل/الترفيه : *الأرزاق على باب الله *

الرجوع الى أعلى الصفحة اذهب الى الأسفل

انت كده علي طول.....!! Empty رد: انت كده علي طول.....!!

مُساهمة من طرف فراشة الامال الخميس ديسمبر 17, 2009 8:33 pm

يا نهار يانهار
ده انا اللي مصرية
تعثرت وانا أقرأها في بعض الكلمات
بالعامية المصرية
بس
روعة
فراشة الامال
فراشة الامال
نائب المدير
نائب المدير

انثى عدد المساهمات : 1024
نقاط : 1714
تاريخ التسجيل : 18/05/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى