منتــدى روشنــــة عيـــــــال

كوكى والولا جاره

استعرض الموضوع السابق استعرض الموضوع التالي اذهب الى الأسفل

default كوكى والولا جاره

مُساهمة من طرف ابو منة الله في الثلاثاء نوفمبر 15, 2011 6:04 pm






بصو بقى انا مش هطول عليكو اوى
انا بس عاوز اخد رايكم فى التوبك ده بصراحه
التوبك بيتكلم عن واحد اسمو ( كوكى )

الموضوع اسمو
( كوكى والولا جاره )


الحلقه الاوله

إصحى ياكوكى بقه إتأخرت على المدرسه يالله

طيب يا يا يا يا

نفسى مرة وحده بس تفتكر إنى ماما

أنا خلاص هصحى

إسكتى بقه

هو الواد جارنا ده صحى ولا لسه

إسمه محمود إحفظ إسمه بقه

إنت دلوقتى فى 2ثانوى

طيب ياما ما

هنام شويه على بال إيهاب ميجى

إيهاب مين ياكوكى

إيهاب جارنا الواد الرخم ده

ياكوكى إسمه محمود

طيب لما إسمه إيه ده يجى أنا نسيت طريق المدرسه

الواد حسين ده غبى قوى

حسين مين إنت هتجننى ياكوكى معاك

إزيك ياطنط

كريم صحى ولا لسه زى العاده نايم

كوكى حبيب قلبى صحى طبعا إدخله يامحمود

ولد ياكريم

كوكى

ههههههههههههههههه

إيه الاسم ده

مش عجبك ياأحمد إسمى

أحمد مين أنا محمود يابنى ركز بقه إنتى صحبى من أوله إبتدائى ولسه برده مش فاكر إسمى

مهو إسم غريب برده يعنى إيه إسم حسين ده

حسين بس فوق هنتاخر على الامتحان

إمتحان إيه أنا مذكرتش حاجه

هم بيفجئونا

إيه الناس الغريبه دى

هما برده إللى غراب يابنى

دى أبله إيمان كل يوم تفكرك وتقولك

ياكريم فاضل3 أيام على الامتحان فاضل يومين فاضل يوم

ناقص تيجى وتحللك كمان

هههههههههههههههههه

يعنى إنت ذكرت

لاء طبعا

أنا معايه إللى أهم من المذكرة يابنى معايه برشام

ليه مالك ياتوفيق إنت تعبان

والله إنت هتجننى أنا إسمى محمود

ثم برشام يعنى ملخص المذكرةإللى مذكرتهاش

كتبتها فى ورقه صغيرة علشان ساعه الامتحان أغش منها

يابن الناصحه ياوليد

طيب متجيب حته برشام من إللى معاك دى أغش منها

متخفش أنا عملت حسابك

بس لو قفشوك بيها متودنيش فى داهيه أنا عرفك غبى

عيب عليك يامحمد

أنا ابلغ عليك ليه يعنى جبان


طيب يله بينا هنتاخر على الامتحان

سلام بقه يا يا يا يا

قولها ياماما وخلاص

الله يخرب بيتك

سلام ياماما

هات بقه البرشام

إنت هتجننى يله ماأنا إدتهولك

أه صح

طيب إنت مخبى البرشام بتاعك فين

أنا مخبيه فى كمى

طيب وأنا أخبيه فين

وأنا مالى إتصرف مرة وحده بس لوحدك

خلاص يعم دإنتا غبى قوى

إذيك ياكريم إذيك يامحمود

إيه الجديد معاكم يالئيم إنت وهو

جديد إيه يعم إحنا هنعتمد على نفسنا

إحنا ذكرنا كويس إمبارح صح ياكريم

طبعا البرشام معايه أهوة وإن شاء الله هحل كويس

برشام ياولاد الغشاشه

برشام إيه الله يخرب بيتك

يعم البرشام إللى إدتهولى

يعنى خلاص جيت على دى وإفتكرتها

متصدقوش ياعم

ده واد غبى

إحنا ذكرنا

تعاله معايه ياكريم ياحبيبى

إنت بتشدنى كده ليه

إنت هتفضحنا يابنى

ليه أنا عملت إيه

لاء أبدا روحت تقول للواد مصطفى إننا معانه برشام

أنا قولت كده ياكداب ياكداب

هتروح النار ياصابر

صابر مين بس

أه يادماغى منك

إلحقينى من الواد ده

ياأمى

إمشى يالا غور

هو ماله ده بيزعل منى ليهاأنا عملت إيه

كل واحد يبص فى ورقته إللى هشوفه بيكلم زميله أو بيبص فى

ورقته هسحب منه الورقه

فهمين

عاوز إيه ياعم إنت

السؤال الاول إيه

إنت غبى ياله ماإنت معاك البرشام حل منه عندك حق

إنت بتعمل إيه الله يخرب بيتك

إيه يعم بحل من البرشام

خبيه أحسن تودينا فى دهيه حل وإنت مخبيه

طيب

بطلو كلام إنت وهو وكل واحد يبص فى ورقته

الواد ده خطه وحش فى البرشام ممكن تقرالى الكلمه دى إيه

نعم ياخويه برشام فى الفصل

تعاله إنت وهو

أه أه أه أه

وله أنا مش عاوز أعرفك تانى أبدا غور فى دهيه ضيعت

الامتحان منى جاتك القرف وإنت غبى

فى إيه ياكوكى رجعت بدرى ليه من الامتحان

حليت كله يا يا يا يا

المهم جوبت على كل الاسئله

شاطر ياكوكى ..........

ابو منة الله
عضو جديد
عضو جديد

ذكر عدد المساهمات : 1
نقاط : 3
تاريخ التسجيل : 15/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: كوكى والولا جاره

مُساهمة من طرف حنونه في الأربعاء نوفمبر 16, 2011 11:05 pm

اهلا بيك ابو منه شرفتنا ونورت المنتدى

بقصتك الممتعه وجديدة علية وضحكتنى كويس ان محمود

استحمله ههههههههه انا لو منه كان جرالى حاجة Smile بس ياترى من مألف القصه دى انت؟

قصة جميلة والاجمل وجودك معنا وحضورك المميز من اول موضوع لك

يسلمووووووووو ابو منه والله يسعدك كما اسعدتناااااااا

ونحب نشوفك دايما ولا تحرمنا من مواضيعك الشيقة

تقبل تحياتى




 




حنونه
مديرة
مديرة

انثى عدد المساهمات : 1557
نقاط : 2648
تاريخ التسجيل : 18/05/2009
العمل/الترفيه : نت وبرامج

معاينة صفحة البيانات الشخصي للعضو http://rawshanet3eyal.gid3an.com

الرجوع الى أعلى الصفحة اذهب الى الأسفل

default رد: كوكى والولا جاره

مُساهمة من طرف محمد حمزه في الخميس نوفمبر 17, 2011 10:55 am

وانا اقول المنتدى منور ليه ... اتارى ابو منه منووور المنتدى

بس انت لخبطتنى مابقيت عارف محمد من سمير ولا كريم ههههههه

بس واد يشل اووووى



تسلم على القصة وان شاء الله نتاع مواضيعك القادمة

محمد حمزه
عضو مبتدأ
عضو مبتدأ

ذكر عدد المساهمات : 193
نقاط : 287
تاريخ التسجيل : 18/08/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى